Հաքերները կիբերհարձակումներ են կատարել Ճապոնիայի պաշտպանության նախարարության համակարգչային համակարգերի վրա: Այս մասին հայտնում է Kyodo գործակալությունը:

Ըստ Gazeta-ի՝ հարձակման հետեւանքով հնարավոր է գաղտնի տվյալների արտահոսք: Գերատեսչության ղեկավարությունն առայժմ չի կարողացել որոշել համակարգերի մեջ հաքերների ներթափանցման լրջությունը, սակայն կարծում է, որ հարձակումը պրոֆեսիոնալներ են իրագործել:

Գերատեսչության եզրակացությամբ՝ ցանցին ապօրինի հասանելություն է հաջողվել ստանալ ազգային պաշտպանության ակադեմիայում եւ նախարարության բժշկական քոլեջում տեղադրված համակարգիչների միջոցով: