Եվրամիության կողմից Վրաստանի քաղաքացիների համար վիզաների չեղարկման ժամկետները կախված չեն քաղաքական պատկերացումներից, դա զուտ արարողակարգային հարց է: «ՌԻԱ Նովոստի»-ի փոխանցմամբ՝ այս մասին հայտարարել է ԵՄ-ի դիվանագիտության ղեկավար Ֆեդերիկա Մոգերինին:
Մոգերինիի խոսքով՝ այդ հարցը կապված է ԵՄ-ում (առանց վիզայի ռեժիմի գործողության կասեցման) մեխանիզմների վերաբերյալ որոշման ընդունման գործընթացի ավարտի հետ: Նա կարծում է, որ վիզաների չեղարկումը տեղի կունենա մոտ ժամանակներս, սակայն հավելել է, որ ճշգրիտ ժամկետ չի կարող նշել:
ԵՄ խորհուրդը պնդում է, որ վիզային ռեժիմի ազատականացումը պետք է ուժի մեջ մտնի միաժամանակ առանց վիզայի ռեժիմի «կասեցման նոր մեխանիզմների» ուժի մեջ մտնելու հետ միաժամանակ: Այդ մեխանիզմը կարող է գործարկել Եվրահանձնաժողովը՝ սեփական նախաձեռնությամբ կամ ԵՄ անդամներից մեկի պահանջով:
