Թուրքիան Ռուսաստանի հետ ինչ–որ հարկադիր դաշինքի է գնացել։ Այս մասին դեկտեմբերի 5-ին՝ մամուլի ասուլիսի ժամանակ, ասել է Կովկասի ինստիտուտի տնօրեն քաղաքագետ Ալեքսանդր Իսկանդարյանը։
Նրա խոսքով՝ Թուրքիան բավականին ծանր դրության մեջ է հայտնվել։ Ընդ որում, այն ծանր է բոլոր ճակատներում, Սիրիայում՝ մասնավորապես։ Անկարայի քաղաքականությունը նյարդայնացնում է գրեթե բոլոր արեւմտյան մայրաքաղաքներին։ «Եվ Ռուսաստանի հետ ինչ–որ մակարդակում համերաշխություն ցուցադրելով՝ Թուրքիան փորձում է ցույց տալ, որ իրենք ընկերներ են։ Սիրիայում Ռուսաստանի եւ Թուրքիայի շահերը հակասում են։ Սիրիայում հիմա ռուսական «պրոքիսները» կռվում են թուրքական «պրոքսիների» հետ, նրանք սպասում են միմյանց»,– նշել է Իսկանդարյանը։