Ռուսական շարժական հոսպիտալի վրա հարձակման դեպքում խոսքը ոչ թե միջազգային հումանիտար իրավունքի խախտման մասին է, այլ նախապես պլանավորված բժիշկների սառնարյուն սպանության։ Այս մասին «ՌԻԱ Նովոստի»–ին ասել է ՌԴ ՊՆ պաշտոնական ներկայացուցիչ Իգոր Կոնաշենկովը։
Նախօրեին պարզ էր դարձել, որ սիրիական ընդդիմության գրոհայինները հարված են հասցրել Հալեպում տեղակայված շարժական հոսպիտալին, զոհվել է 2 ռուս ռազմական բժիշկ, մեկը վիրավոր է։ Տուժել են նաեւ տեղաբնակներ։
ԿԽՄԿ–ից հայտնել են, որ Հալեպի հիվանդանոցի վրա հարձակումները վկայում են այն մասին, որ հակամարտության կողմերը ի վիճակի չեն կատարել բժշկական աշխատակիցների պաշտպանության իրենց պարտականությունները։