Ֆրանսիայի նոր վարչապետ է դարձել Բեռնար Կազնյովը, որը մինչ այդ ղեկավարում էր երկրի ՆԳՆ–ն։ Այս մասին հայտնել են Ելիսեյան պալատից՝ մեկնաբանելով Մանուել Վալսի հրաժարականը, փոխանցում է ՏԱՍՍ–ը։

Կազնյովը նախագահ Ֆրանսուա Օլանդի ամենահավատարիմ կողմնակիցներից մեկն է։ 2012 թվականից նա մի շարք բարձրաստիճան պաշտոններ է զբաղեցրել կառավարությունում, այդ թվում՝ եղել է բյուջեի պատասխանատուն։ 2014–ի ապրիլին նա նշանակվել էր ՆԳ նախարար։ Հենց նրա օրոք են տեղի ունեցել Փարիզի եւ Նիսի ահաբեկչությունները։