Հալեպը լքել հրաժարվող գրոհայինները կոչնչացվեն։ Այս մասին ասել է ՌԴ ԱԳ նախարար Սերգեյ Լավրովը, փոխանցում է «ՌԻԱ Նովոստի»–ն։
«Ցանկացած դեպքում, երբ ինչ–որ մեկը կհրաժարվի ինքնակամ հեռանալ, կոչնչացվի։ Այլ ելք չկա»,– ասել է Լավրովը Եվրոպայի խորհրդի գլխավոր քարտուղար Թյորբորն Յագլանդի հետ բանակցությունների ավարտին։
ՌԴ ԱԳՆ–ից հայտնել են, որ որպես դեկտեմբերի 2-ին ԱՄՆ պետքարտուղար Ջոն Քերրիի եւ Սերգեյ Լավրովի բանակցությունների զարգացում՝ Ժնեւում ամերիկյան կողմի առաջարկով առաջիկա օրերին սկսվելու է ռուս եւ ամերիկացի մասնագետների համատեղ աշխատանքը Արեւելյան Հալեպի խնդրով։ «Դրա նպատակն է քաղաքի արեւելյան հատվածից դուրս բերել բոլոր գրոհայիններին»,– հայտնել են ՌԴ ԱԳՆ–ից։