Հայաստանի խորհրդարանը մեկ րոպե լռությամբ հարգել է 1988 թվականի Սպիտակի երկրաշարժի զոհերի հիշատակը:
Նշենք, որ Հայաստանի կառավարությունը խոստանում է տուժածների բնակարանային հարցն ամբողջությամբ լուծել միայն 2017 թվականին՝ ողբերգությունից 29 տարի անց:
Հիշեցնենք, որ ավերիչ երկրաշարժը տեղի ունեցավ 1988 թվականի դեկտեմբերի 7-ին, տեղական ժամանակով ժամը 11:41-ին: Սպիտակ քաղաքը գրեթե ամբողջությամբ ավերվեց: Մեծ ավերածություններ եւ բազմաթիվ մարդկային զոհեր եղան Լենինական (այժմ՝ Գյումրի) եւ Կիրովական (այժմ՝ Վանաձոր) քաղաքներում:
