Հայկական բանակը պետք է պատրաստ լինի ադրբեջանական կողմի սպառնալիքներին պատասխանել ոչ միայն պաշտպանական մարտերով, այլեւ հակահարվածով: Դեկտեմբերի 7-ին կայացած ասուլիսում այս մասին հայտարարեց առաջին հետախուզական-դիվերսիոն ջոկատի հիմնադիր եւ հրամանատար Վովա Վարդանովը:
Նրա խոսքով՝ չի կարելի միայն պաշտպանել դիրքերը: «Բռնցքամարտիկի դիրքորոշում է, որ հակառակորդը կարող է ցանկացած պահի հարվածել: Բայց նա կարող է նաեւ գոտկատեղից ներքեւ հարվածել: Իսկ գոտկատեղից ներքեւ անհնար է մկաններ զարգացնել: Մենք կարծրատիպ ունենք, որ թուրքերը վախենում են անտառներից, որ թուրքերը ձմռանը չեն պատերազմում: Բայց թուրքերն անընդհատ զարգանում են եւ հասկանում, որ մենք կարծրատիպերով ենք մտածում, չնայած իրենք էլ նույնն են անում»,- ընդգծեց Վարդանովը:
Նա հիշեցրեց, որ 1993 թվականի դեկտեմբերին ադրբեջանական կողմի հարձակումը նույնքան անսպասելի էր, որքան այս տարվա ապրիլյան հարձակումը:
