Լեհաստանի պաշտպանության նախարար Անտոնի Մաչերեւիչը մտադիր է դատի տալ Gazeta Wyborcza պարբերականին՝ իր հասցեին թերթի սիստեմատիկ զրպարտանքի համար։ Այս մասին հայտնել է գերատեսչության պաշտոնական ներկայացուցիչ Բարդուղեմեոս Միշչեվիչը, փոխանցում է «ՌԻԱ Նովոստին»։
«Gazeta Wyborcza թերթում ազգային պաշտպանության նախարարի հասցեին սիստեմատիկ զրպարտանքի ու Լեհաստանի անցյալն ու խորհրդային կառավարական ապարատը պաշտպանելու նպատակով ապատեղեկատվություն տարածելու կապացկությամբ տեղեկացնում եմ, որ պաշտպանության նախարար Անտոնի Մաչերեւիչը դատի է տալիս Gazeta Wyborcza պարբերականին»,- ասվում է գերատեսչության ներկայացուցչի հայտարարության մեջ։ Խոսքը նախեւառաջ չորեքշաբթի Gazeta Wyborcza –ում տպագրված տեքստի, նաեւ այդ նույն թեմայով Տոմաշ Պյոնտեկայի մյուս տեքստերի մասին է, որոնց բովանդակությունը մենք բազմիցս հերքել ենք»,- պարզաբանում է հայտարարությունը։
Տոմաշ Պյոնտելը Gazeta Wyborcza թերթում մի շարք հոդվածներ է հրապարակել Մաչերեւիչի ու Լեհաստանի ազգային հանրապետության ժամանակ անվտանգության ծառայության գաղտնի աշխատակից Եժի Լուշնեյի բիզնես կապերի մասին։ Լեհաստանի պաշտպանության նախարարությունն արդեն հայտարարել է, որ նախարարը երկար տարիներ ոչ մի կապ չունի Լուշնեյի հետ։