Մեծ Բրիտանիայի Արեւմտյան Սուսեքսի Ուերթինգ քաղաքում հանդուգն կողոպուտ է կատարվել: Հնարամիտ կողոպտիչները, մտնելով Beales ապրանքանիշի հագուստի խանութ, մանեկեններ են ձեւացել եւ սպասել են մինչ խանութը կփակվի ու աշխատակիցները կհեռանան, փոխանցում է Life-ը:
Շինության մեջ մենակ մնալով՝ գողերը հափշտակել են 10 հազար ֆունտ (12,5 հազար դորալից ավելի) արժողության դիզայներական հագուստ եւ հայտնի կուտյուրեների իրեր:
Beales-ի աշխատակիցներից մեկը համոզված է, որ դա լավ պլանավորված կողոպուտ էր, քանի որ հանցագործները գտել են հենց այն հագուստը, որը համապատասխանում է մանեկենների վրա եղածին, եւ կարողացել են անշարժ կանգնել մինչեւ խանութը դատարկվել է:
Գողերի նկատմամբ հետախուզում է հայտարարվել, իսկ ոստիկանությունը զարմացած է, թե նրանք ինչպես են կարողացել ազդանշանային համակարգը շրջանցել եւ խանութից դուրս գալ:
