ԵՄ–ն համարում է, որ ԵԱԿ–ն եվրոպական անվտանգության առանցքային քարն է։ Այս մասին ԵԱՀԿ արտգործնախարարների խորհրդի նիստում ասել է եվրոպական անվտանգության քաղաքականության եւ արտաքին գործերի գերագույն հանձնակատար Ֆեդերիկա Մոգերինին, փոխանցում է ՏԱՍՍ–ը։
«ԵՄ–ն համարում է, որ ԵԱԿ–ն եվրոպական անվտանգության առանցքային քարն է»,– ասել է նա՝ նշելով, որ անվտանգության ոլորտում իրավիճակն այսօր ավելի բարդ չէ, քան ԵԱՀԿ ստեղծման շրջանում, եւ այն ժամանակ հաջողվեց անհրաժեշտ լուծումներ գտնել։
«ԵԱՀԿ անվտանգության հայեցակարգը իդեալական համապատասխանում է կայուն անվտանգության գաղափարին, որը մենք ներառել ենք արտաքին քաղաքականության եւ անվտանգության ԵՄ գլոբալ հայեցակարգում»,– ասել է Մոգերինին։
ԵՄ դիվանագիտության ղեկավարը ելույթի ժամանակ նշել է, որ Լեռնային Ղարաբաղի, Ուկրաինայի եւ Մերձդնեստրի հակամարտությունները հիմնական միջազգային խնդիրներն են, որոնք պետք է կարգավորվեն ԵԱՀԿ աջակցությամբ։