Եվրոպական տիեզերական գործակալության (ESA) մասնագետները հրապարակել են մի զարմանալի տեսագրություն, որը ստեղծվել է «Մարս -Էքսպրես» միջմոլորակային ավտոմատ կայանից ստացված  հազարավոր լուսանկարների հիման վրա։ Նշված տեսագրությունում պատկերված է այսպես կոչված Mawrth Vallis–ը ((Mawrth-ը վալիերեն նշանակում է «Մարս»)՝ այն հունը, որը պահպանվել է ժամանակին Կարմիր մոլորակի մակերեսով հոսող հին գետից։ Այդ ցամաքած գետի երկարությունը ավելի քան 630 կմ  է, իսկ խորությունը որոշ տեղերում հասնում է 2000 մետրի։

Գիտնականները կարծում են, որ այս գետահունի տարիքը գերազանցում է 4 մլրդ տարին։ Mawrth Vallis -ի շուրջը՝ ափերին երեւում են երկնաքարային զանգվածային «ռմբակոծության» հետքեր։ Շատ խառնարաններ տպավորիչ են իրենց մեծ չափսերով։ Իսկ գետահունն ինքը ծածկված է շերտավոր կավի նստվածքներով։ Հենց այդ նստվածքներն են շատ հետաքրքիր գիտնականներին, չէ՞ որ դրանցում տեղեկություն կա Մարսի անցյալի ու գուցե նաեւ այնտեղ ժամանակին բնակվող կենդանի օրգանիզմների մասին։