Հայաստանի «Նոր քաղաքական մշակույթ» կուսակցության նախագահ Անի Զախարյանին դեկտեմբերի 9-ին մեղադրանք է առաջադրվել: Այս մասին այսօր՝ դեկտեմբերի 10-ին, NEWS.am-ի հետ զրույցւոմ ասաց նա՝ նշելով, որ մեղադրանք առաաջդրվել է ՀՀ ՔՕ-ի 38-185 հոդվածի 2-րդ մասի 3 կետով՝ ուրիշի գույքը վնասելու համար որպես դրդիչ հանդիսանալը։ Անի Զախարյանին այս հոդվածով սպառնում է մինչեւ 4 տարվա ազատազրկում:
Նա նշեց, որ իրեն առաաջդրված մեղադրանքի հիմքում ընկած է ոստիկանների տված ցուցմունքը, որոնք ասել են, որ Անի Զախարյանը հուլիսյան դեպքերի ժամանակ Երեւանի Խորենացի փողոցում հավաքվածներին կոչ է արել ոստիկանական մեքենայի ապակին կոտրել: Այս գործում Անի Զախարյանը ներգրավված է եղել որպես վկա, սակայն, այժմ կարգավիճակը փոխվել է:
Ավելի վաղ լրագրողների հետ զրույցում Անի Զախարյանը նշել էր, որ իր նկատմամբ քաղաքական հետապնդում է իրականացվում` որպես մեղադրյալ ներգրավվելով ամռանը Խորենացի փողոցում տեղի ունեցած զանգվածային անկարգությունների գործով: