Թուրքիայում քրդական «Ժողովուրդների դեմոկրատական» կուսակցության (HDP) դեմ գործողությունների շրջանակներում դեկտեմբերի 12-ի առավոտյան ձերբակալվել է 118 հոգի։

Թուրքական Milliyet-ի փոխանցմամբ՝ ոստիկանության կողմից իրականացված համաժամանակյա գործողությունների ժամանակ ձերբակալվել են HDP-ի նահանգային ու շրջանային կառույցների ղեկավարները, այդ թվում Ստամբուլի ու Անկարայի նահանգային ղեկավարները։

Նշվում է, որ միայն Մերսին նահանգում ձերբակալվել է HDP-ի 51 անդամ։ Ձերբակալվածները հիմնականում մեղադրվում են «ահաբեկչական կառույցի անդամ» լինելու կամ «ահաբեկչական կառույցի օգտին քարոզչություն անելու» մեջ։