![](img/news/36/49/72/default.jpg)
Սեւ ծովում կործանված Տու-154 ինքնաթիռը թռիչքից առաջ տեխնիկապես սարքին էր: ՏԱՍՍ-ի փոխանցմամբ՝ այս մասին հայտարարել է Ռուսաստանի Զինված ուժերի թռիչքների անվտանգության ծառայության պետ Սերգեյ Բայնետովը:
«Ինքնաթիռը տեխնիկապես սարքին էր: Կարգավորման վերջին աշխատանքները կատարվել են 2016-ի սեպտեմբերին»,- ասել է նա՝ հստակեցնելով նաեւ, որ անձնակազմի հրամանատարը՝ առաջին դասի ռազմական օդաչու, մայոր Ռոման Վոլկովը հանձնարարված երթուղով բազմաթիվ թռիչքներ է իրականացրել:
Տու-154 ինքնաթիռը ռադարներից կորել է թռիչքից հետո 2 րոպե անց: Ինքնաթիռում էին գտնվում զինծառայողներ, լրատվամիջոցների ներկայացուցիչներ, այդ թվում՝ Առաջին ալիքի, «Աստղ» եւ ՆՏՎ հեռուստաալիքների աշխատակիցներ, նաեւ Ալեքսանդրովի անվան համույթի երաժիշտներ, որոնք թռչում էին Սիրիայի Խմեյմիմ ավիաբազայի Ռուսաստանի ռազմատիեզերական ուժերի ավիախմբի Ամանորը շնորհավորելու: