Սեւ ծովում ջրասուզորդները հայտնաբերել են Տու-154 ինքնաթիռի ֆյուզելյաժը: Նախնական տեղեկություններով՝ բեկորները գտնվում են ափից մեկ մղոն հեռավորությամբ 27 մետր խորության վրա: Այս մասին «ՌԻԱ Նովոսի»-ին հայտնել են ՌԴ ԱԻՆ-ի Հարավային տարածաշրջանի որոնողափրկարարական ջոկատից:
«Դեկտեմբերի 26-ին ջրասուզորդները Սեւ ծովում հայտնաբերել են նախօրեին կործանված ինքնաթիռի ֆյուզելյաժը: Նախնական տեղեկություններով՝ բեկորները գտնվում են ափից թռիչքուղու ուղղությամբ մեկ մղոն հեռավորությամբ 27մետր խորության վրա»,- նշված է հաղորդագրության մեջ:
ՌԴ ՊՆ-ի Տու-154 ինքնաթիռը, որն ուղեւորվում էր Սիրիա, կործանվել է կիրակի առավոտյան Սեւ ծովում: Գերատեսչության տվյալներով՝ ինքնաթիռում 92 մարդ կար՝ անձնակազմի 8 անդամ եւ 84 ուղեւոր, որոնց թվում 8 զինծառայողներ, Ալեքսանդրովի անվան համույթի 64 երաժիշտներ, ռուսական հեռուստաալիքների 9 ներկայացուցիչներ, «Արդարացի օգնություն» բարեգործական հիմնադրամի ղեկավար Ելիզավետա Գլինկան՝ հայտնի որպես բժիշկ Լիզա, երկու դաշնային ծառայող: Ինքնաթիռի կործանման փաստով քրեական գործ է հարուցվել: