Հայաստանում արդեն աշխատում են աշխարհի խոշորագույն CDN մատակարարներից մեկի՝ Akamai–ի քեշ սերվերները։ Այս մասին NEWS.am –ի հետ զրույցում ասել է ArmIX ֆոնդի տնօրեն Վահան Հովսեփյանը։ Դրա արդյունքում տասնյակ հազարավոր կայքեր, որոնց հասանելիություն ապահովում է Akamai–ն, կարելի է ավելի արագ բացել, քանի որ դրանց պատճենները կտեղադրվեն լոկալ սերվերների վրա։

Դրա արդյունքում, եթե նախկինում ArmIX–ում տրաֆիկի փոխանակումը կազմում էր 3-4 գիգաբիթ վայրկյանում, ապա Akamai քեշի տեղադրումից հետո այն ավելի քան 2 անգամ աճել է։