Լոս Անջելեսի Քալիֆորնիայի համալսարանի (UCLA) գիտնականները հաշվել են, որ Երկրի բնական արբանյակ Լուսնի տարիքը կազմում է մոտ 4,51 մլրդ տարի: Այս մասին նշված է համալսարանի կայքում, փոխանցում է Gazeta-ն:
Այսպիսով, գիտնականները պարզել են, որ Լուսինն ավելի մեծ է, քանի նախկինում էին ենթադրում: Այդ տարբերությունը տատանվում է 40 մլն-ից մինչեւ 140 մլն տարվա սահմաններում:
Հետազոտողներն այս եզրակացությանն են եկել՝ 1971 թվականին բնական արբանյակից ամերիկյան «Ապոլոն-14»-ի Երկիր բերած ցիրկոնը անալիզի ենթարկելով: Գիտնականների խոսքով՝ ցիրկոնն «ամենից լավ է պահպանում երկրաբանական պատմությունը»:
Վերջին հետազոտությունը նշանակում է, որ Լուսինը հայտնվել է արեգակնային համակարգի ծնունդից հետո «ընդամենը» մոտ 60 մլն տարի անց: Սա շատ կարեւոր տեղեկություն է Երկրի եւ ամբողջ մոլորակային համակարգի զարգացման պատմությունն ուսումնասիրող աստղագետների համար: