Հայաստանն ու Ուկրաինան ամբողջությամբ փոխանցել են իրենց վճարները ՄԱԿ-ի 2017 թ․ կանոնավոր բյուջեի համար։ Այս մասին Նյու Յորքում լրագրողներին հայտնել է ՄԱԿ մամուլի քարտուղար Ստեֆան Դյուժարիկը։
«Ինը երկրներ՝ Անգոլան, Հայաստանը, Բենինը, Դոմինիկյան Հանրապետությունը, Հունգարիան, Լիբերիան, Սենեգալը, Հարավային Սուդանն ու Ուկրաինան ամբողջությամբ փոխանցել են իրենց վճարները, իսկ ՄԱԿ-ի եւս 17 անդամներ մասնակիորեն են վճարել»,- նշել է նա։
Այս պահի դրությամբ գալիք տարվա համար ՄԱԿ-ի առջեւ իր ֆինանսական պարտավորությունները կատարել են միայն ինը երկրներ։ Ամենամեծ գումարը՝ 4 մլն դոլար, փոխանցել է Հունգարիան, իսկ ամենաքիչը՝ Լիբերիան՝ 25 000 դոլար։
ՄԱԿ կանոնավոր բյուջեին փոխանցվող վճարների չափը սահմանվում է ըստ տվյալ երկրի ՀՆԱ-ի տասնամյա ցուցանիշի, մեկ շնչին բաժին հասնող եկամուտի ու արտաքին պարտքի։ Այսօրվա դրությամբ ՄԱԿ-ի ամենախոշոր հովանավորը ԱՄՆ է, որը վճարում է ՄԱԿ-ի ծախսերի 22 տոկոսը։