Թուրքիան 330 կմ երկարությամբ պատ է կառուցել Սիրիայի եւ Իրաքի հետ սահմանի երկայնքով: Այս մասին հաղորդում է Anadolu գործակալությունը:
Երկրի գլխավոր շտաբի հաղորդմամբ՝ անվտանգության նկատառումներով կառուցվող պատի շինաշխատանքներն ավարտվել են:
Նշվում է, որ հարավային սահմանին 191 կմ երկարությամբ էլ փշալարեր են անցկացվել:
Ձեռնարկված միջոցառումների շնորհիվ վերջին մեկ տարվա ընթացքում ապօրինի սահմանահատման ավելի քան 57 հազար փորձ է կանխվել, մեծ մասը՝ 89.5%, Սիրիայի հետ սահմանին: