Հայաստանում փոխման ենթակա ապրանքների ցուցակը կարող է ընդլայնվել, եթե կառավարությունը հավանություն տա ապրանքների մասին օրենքում փոփոխությունների համապատասխան նախագծին։ Այս մասին հունվարի 16-ին՝ մամուլի ասուլիսի ժամանակ, ասել է «Իրազեկ եւ պաշտպանված սպառող» ՀԿ նախագահ Բաբկեն Պիպոյանը
Նա հիշեցրեց, որ մինչեւ հիմա կոսմետիկ միջոցները վերադարձի ենթակա չեն։ «Իսկ եթե կառավարության որոշումն ընդունվի, օծանելիքից բացի, բոլոր կոսմետիկ ապրանքները վերադարձի ենթակա կլինեն։ Նույնը վերաբերում է հեռախոսներին։ Մենք լիահույս ենք, որ այդ նախագիծը կառավարության որոշումը կդառնա, եւ մենք կարող ենք ապահովել ապրանքը փոխանակելու կամ վերադարձնելու սպառողների իրավունքը»,– ասաց Բաբկեն Պիպոյանը։