Ղարաբաղյան հակամարտության գոտում նոր սրացումը չի բացառվում։ Այս մասին հունվարի 17-ին՝ մամուլի ասուլիսի ժամանակ, ասել է «Նորավանք» գիտակրթական հիմնադրամի տնօրեն Գագիկ Հարությունյանը։
Նրա խոսքով՝ դա Իլհամ Ալիեւի քաղաքականությունն է, որն ուղղված է Ադրբեջանում իր իշխանության ուժեղացմանը, ինչպես նաեւ իր հավակնությունների մասին հայտնելու միջոց է։ «Բայց հուսանք, որ Ալիեւի սպասումները չեն արդարանա, քանի որ մենք տեսանք ՀԱՊԿ բավականին լուրջ հայտարարությունը։ Թեպետ հասկանալի է, որ այստեղ հայտարարություններ անելը քիչ է»,– ասաց Հարությունյանը եւ հավելեց, որ հայ–ռուսական ռազմական միավորումը լավ հիմք է Հայաստանի անվտանգության ապահովման համար։
