«Բարգավաճ Հայաստան» կուսակցության նախկին առաջնորդ Գագիկ Ծառուկյանի գործոնը այս կամ այն ձեւով առաջիկա խորհրդարանական ընտրություններին կարտահայտվի: Այս մասին հունվարի 17-ին՝ մամուլի ասուլիսի ժամանակ հայտարարեց «Նորավանք» գիտակրթական հիմնադրամի տնօրեն Գագիկ Հարությունյանը:
Նրա խոսքով՝ հավանաբար ինչ-որ փոփոխություններ կլինեն: «Տարբեր քաղաքական ուժերի նոր միավորումներ են ստեղծվում, այդուհանդերձ, հակված եմ կարծելու, որ սկզբունքորեն շատ բան չի փոխվի: Առայժմ ամեն ինչ վկայում է, որ իշխող Հանրապետական կուսակցությունը կրկին մեծամասնություն կստանա»,- ասաց Հարությունյանը:
Ի պատասխան NEWS.am-ի հարցին՝ «Բարգավաճ Հայաստան» կուսակցության նախկին առաջնորդ Գագիկ Ծառուկյանի քաղաքականություն վերադարձը ի՞նչ դերակատարում կունենա եւ ինչի՞ն է ուղղված, քաղաքագետը նշեց, որ Գագիկ Ծառուկյանի գործոնը այս կամ այն ձեւով առաջիկա խորհրդարանական ընտրություններում կարտահայտվի: «Ինչ ձեւով, ցավոք, չեմ կարող ասել»,- հավելեց Գագիկ Հարությունյանը: