Բրիտանիան ԵՄ-ի միասնական շուկայից դուրս կգա ԵՄ-ը լքելուց հետո: Այս մասին ասել է Մեծ Բրիտանիայի վարչապետ Թերեզա Մեյը, փոխանցում է Reuters-ը:
Նրա խոսքով՝ Բրիտանիան ԵՄ-ի հետ հավասար գործընկեություն կփնտրի, սակայն չի ընդունի այնպիսի մոդելներ, որոնք մյուս երկրներն են օգտագործում, որոնք ԵՄ-ի հետ ազատ առեւտրի համաձայնագրեր ունեն:
«Ցանկանում եմ, որ հստակ լինի: Այն, ինչ ես առաջարկում եմ, չի կարող միասնական շուկային անդամակցություն ենթադրել»,- ասել է Մեյը:
«Մենք ձգտում ենք շուկային հասանելիության առավելագույն հնարավորություն ունենալ ազատ առեւտրի մասին նոր համընդգրկուն, համարձակ եւ հավակնոտ համաձայնագրի միջոցով: Որոշակի ոլորտներում այս համաձայնագրի մեջ կարող են ներառվել ներկայիս միասնական շուկայի առանձին մեխանիզմներ»: