ԱԻՄ-ը ընտրությունների կգնա կամ դաշինքով, կամ չի գնա։ Այս մասին այսօր՝ հունվարի 18-ին, լրագրողների հետ հանդիպմանն ասաց ԱԻՄ առաջնորդ Պարույր Հայրիկյանը։
Ըստ Հայրիկյանի՝ Հայաստանի առջև ծառացած խնդիրները ազգային եւ վերկուսակցական են, դրա համար անհրաժեշտ է վերկուսակցական համախմբում։
«Ընտրությունների գնալով մենք միայն պետք է հաղթենք, որեւէ այլ նպատակադրում կամ որեւէ այլ արդյունք, օրինակ՝ ստանալ ձայների 49%-ը, ոչ միայն մեր, այլեւ եկող սերունդների անդառնալի պարտությունը կլինի։ Մենք կարող ենք ապրիլի 2-ը ազգային զարթոնքի օր դարձնել»,-ասաց Հայրիկյանը
Նա ասաց, որ ԱԻՄ-ը համագործակցության առաջարկ է արել Հայաստանի բոլոր քաղաքական ուժերին՝ բացի ՀՀԿ-ից, քանի որ միայն համակուսակցական ժողովրդավարական դաշինքով է հնարավոր հաղթե ընտրություններում։ «Ես անգամ պատրաստ եմ իմ թեկնածությունը չդնել, միայն թե կայանա ժողովրդավարական դաշինք»,- ասաց նա։