![](img/news/03/68/38/default.jpg)
Իսրայելը որոշել է հետեւել Թուրքիայի օրինակին եւ դեսպան չնշանակել Անկարայում: Իսրայելի ԱԳՆ ղեկավարությունը չեղյալ է համարել Թուրքիայում Իսրայելի դեսպանի պաշտոնի համար նախատեսված մրցույթը: Նոր դեսպանը պետք է փոխարիներ իր ժամկետն ավարտած Գաբրիել Լեւիին:
Իսրայելական «Մաարիվ» թերթի մեկնաբան Ալի Բարդենշտեյնի խոսքով, ԱԳՆ-ում հավասարեցնել Անկարայում Իսրայելի դիվանագիտական առաքելությունը Թել-Ավիվում թուրքական դիվանագիտական առաքելության հետ:
Ինչպես հաղորդում է Newsru.co.il-ը, այս տարվա հունիսին Թուրքիան հետ էր կանչել իր դեսպանին Թել-Ավիվից, դրանով իր բողոքը հայտնելով Իսրայելի կողմից շրջափակված Գազային հումանիտար օգնություն բերող թուրքական նավերի վրա հարձակման դեմ:
Միաժամանակ թուրքական Today Zaman թերթը նշել է, որ թուրքական իշխանությունները մտադիր չէին ընդունել Իսրայելի նոր դեսպանին, եթե նա նշանակվեր: