Իտալիայում Աբրուցո նահանգի Ֆարինդոլա քաղաքում ձնահոսքի տակ մնացած Rigopiano հյուրանոցից փրկարարները դուրս են բերել 3 դիակ, պարզվել է եւս մեկ զոհի գտնվելու վայրը, հաղորդում է DW-ն՝ վկայակոչելով Ansa գործակալությունը:
Իտալական Ansa գործակալության փոխանցմամբ, ձնահոսքի պահին քառահարկ հյուրանոցում եղել է 20 այցելու եւ 8 աշխատակից։ Փրկարարները ենթադրում են, որ մինչեւ տանիքը ձյան հսկայական շերտի տակ մնացած բոլոր մարդիկ զոհվել են։
«Իրավիճակը դրամատիկ է։ Կյանքի ոչ մի նշույլ չկա», – ասել է տեղի հրշեջ ծառայության ներկայացուցիչը։
