Ֆրանսիայի ընտանիքի, երեխաների եւ կանանց նախարար Լորանս Ռոսինյոլը հայտարարել է, որ շոկի է մատնվել Ռոման Պոլանսկուն ազգային «Սեզար» կինոմրցանակի ժյուրիի ղեկավար նշանակելու որոշման պատճառով, փոխանցում է BBC-ն:
83-ամյա Պոլանսկին ԱՄՆ-ում մեղադրվում է 1977 թվականին անչափահաս Սամանտա Հայմերի բռնաբարության համար, եւ Վաշինգթոնը ձգտում է հասնել նրա արտահանձնմանը:
Նախկինում Պոլանսկու նշանակման առիթով իրենց վրդովմունքն են հայտնել կանանց իրավունքների պաշտպանությամբ զբաղվող ակտիվիստները, որոնք կինոմրցանակի հանձնման արարողությունը բոյկոտելու կոչ են արել:
«Սեզար» կինոմրցանակի կազմակերպիչներն իրենց ընտրությունը պատճառաբանել են Ռոման Պոլանսկու գեղագիտական ճաշակով եւ նրա տաղանդով:
