ԱՄՆ-ի շրջանային դաշնային դատարանը հաստատել է Volkswagen ավտոկոնցեռնի եւ ամերիկացի ավտոդիլերների պայմանագիրը՝ «էմիսիոն սկանդալի» շրջանակներում 1,21 մլրդ դոլար վճարելու մասին:
Դատարանի որոշման համաձայն՝ ընկերությունը պարտավոր է 18 ամսվա ընթացքում իր ամերիկացի 652 դիլերներից յուրաքանչյուրին միջինը 1,85-ական մլն դոլար վճարել, փոխանցում է BBC-ն:
Կոնցեռնի կողմից փոխհատուցումը պետք է մարի միջնորդ ընկերությունների ծախսերը՝ կապված հեղինակությանը հասցված վնասի եւ ավտոմեքենաները վաճառելու անհնարինության հետ:
Կոնցեռնը մտադիր է ավտոմեքենաների տերերի, էկոլոգիական կարգավորիչների, շրջանային իշխանությունների եւ ԱՄՆ-ի ավտոդիլերների բողոքների բավարարման շրջանակներում ընդհանուր մոտ 22 մլրդ դոլար վճարել:
