ԵԽԽՎ-ն անդամ պետություններին կոչ է արել սկսել քննարկել այն նորմերն ու մեխանիզմները , որոնք անհրաժեշտ են ինտերնետային լրատվամիջոցներում տեղեկությունների խեղաթյուրման ու հասարակական կարծիքի մանիպուլացման ռիսկը կանխելու համար։
Բանաձևում, որը ընդունվել է Ադել Գամբարոյի զեկույցի հիման վրա, նշվում է, որ հանրային հեռարձակողները պետք է լիարժեք օգտագործեն ինտերնետային լրատվամիջոցների ունեցած տեխնիկական հնարավորությունները՝ երաշխավորելով, որ նրանց ներկայությունը համացանցում համապատասխանում է նույն բարձր խմբագրական չափորոշիչներին։
Խորհրդարանականները Լրագրողների եվրոպական ֆեդերացիային ու Լրագրողների եվրոպական ասոցիացիային կոչ են անում հորդորել լրագրողներին, որ նրանք համացանցում նույնպես երաշխավորեն խմբագրական չափորոշիչները , դա վերաբերում է այդ թվում մեդիա կոնտենտին, գովազդին ու երրորդ կողմերի կոնտենտին, օրինակ օգտատերերի մեկնաբաններին։
Եվ վերջապես, ԵԽԽՎ-ն Եվրոպական ինտերնետ փրովայդերների ասոցացիային խորհուրդ է տալիս կազմակերպության անդամներին կոչ անել իրենց իսկ թափանցիկության վերաբերյալ որակի չափորոշիչներ մշակել ու շրջահայաց լինել մեդիա ծառայություններ մատուցելիս, նաև կամավոր հիմունքներով ուղղել կեղծ կոնտենտը։
