Ալ. Սպենդիարյանի անվան օպերայի և բալետի ազգային ակադեմիական թատրոնում, այսօր՝ հունվարի 28-ին, տեղի ունեցավ Հայկական բանակի 25-ամյա տարեդարձին նվիրված տոնական համերգ, որին ներկա է ՀՀ նախագահ Սերժ Սարգսյանը առաջին տիկին Ռիտա Սարգսյանը, ԼՂՀ նախագահ Բակո Սահակյանը, Գարեգին Բ Ամենայն Հայոց Կաթողիկոսը:
ՀՀ Պաշտպանության նախարար Վիգեն Սարգսյանի կոչով ներս է բերվել ՀՀ պետական դրոշը եւ ՀՀ ԶՈՒ մարտական դրոշը: Նա իր ելույթում նշել է, որ Հայոց բանակը քառորդ դարի ընթացքում վիթխարի ճանապարհ է անցել։ «Ապրիլյան պատերազմին տղաները պատվով, արհեստավարժ կատարեցին իրենց խնդիրը՝ պարտադրելով հակառակորդին վերադառնալ զինադադարի պայմաններին։ Մեզ համար ապրիլի գլխավոր բացահայտումը մեր զինվորը եւ հրամանատարն է: Մենք հիրավի ազգ-բանակ ենք, եւ դա է մեր ուժը: Այս սերունդը՝ անկախության սերունդը իր ճակատագրի տերն է լինելու»,-ընդգծել է ՊՆ նախարարը՝ հավելելով, որ մենք հակադրել ենք որակ եւ հաղթել։
«Ազգ-բանակի հիմքը պետք է լինի որակը եւ առաջին հերթին պետք է բանակը հասարակության հայելիից վերածենք հասարակության կերտման դարբնոցի»,-նշել է նա։
