Մոսկվայի Խամովնիկի շրջանի դատարանը կքննի մայրաքաղաքի բնակչուհու հայցն ընդդեմ երգիծաբան Եվգենի Պետրոսյանի եւ նրա տիկին Ելենա Ստեպանենկոյի։ Պետրոսյանի հարեւանուհին 350 հազար ռուբլի հատուցում է պահանջում բնակարանի վերանորոգման եւ փաստաբանների համար։
Հայցվորը պնդում է, որ իր վերեւի հարեւաններ Պետրոսյանը եւ Ստեպանենկոն «ջրել են» իր բնակարանը, հաղորդում է ՌԻԱ Նովոստի–ն։ Հայցի քննությունը կայանալու է փետրվարի 21–ին։ Երգիծաբանն ու նրա կինը արդեն հայտնել են լրատվամիջոցներին, թե Մոսկվայի էլիտար շենքերից մեկում «ջրհեղեղի» մեղավորը իրենք չեն։