Վրաստանի կառավարությունը արձագանքել է Վրաստանի պատրիարքարանի բարձրաստիճան ներկայացուցչի ձերբակալությանը՝ սպանություն ծրագրելու ու Վրաստանի կաթողիկոս պատրիարք Իլիա երկրորդին թունավորելու փորձի մեղադրանքով, հայտնում է «Նովոստի Վրաստանը»։
Վրաստանի վարչապետ Գեորգի Կվիրիկաշվիլին հայտնել է, որ այդ գործն իր անձնական հսկողության տակ է գտնվում ու ինքը մշտապես թարմ տեղեկություններ է ստանում։
«Մենք բոլորս խուսափել ենք հսկայական դժբախտությունից՝ կանխվել է մեր երկրի դեմ հանցագործություն, եկեղեցու վրա ուխտադրուժ հարձակում։ Ուզում եմ շնորհակալություն հայտնել իրավապահ մարմիններին օպերատիվ, արդյունավետ, առանց ավելորդ աղմուկի աշխատանքի համար»,- ասել է Կվիրիկաշվիլին։
«Ելնելով ստեղծված արտասովոր իրավիճակից , ես Բեռլին եմ ուղարկել իմ անձնական թիկնազորի անդամներին՝ պետպաշտպանության հատուկ ծառայության ղեկավարի հետ միասին, որպեսզի նրանք տեղում ուժեղացնեն անվտանգության միջոցառումները»,- հայտնել է վարչապետը։ Նա շեշտել է տվյալ գործի բազմակողմանի ու պրոֆեսիոնալ հետաքննության նշանակությունը։ «Կարեւորը, որ բժիշկների խոսքով, վիրահատությունը լավ է անցել ու պատրիարքը իրեն լավ է զգում։ Ես սրտանց նրան շուտափույթ ապաքինում եմ մաղթում, երկարակեցություն՝ հանուն մեր ժողովրդի ու երկրի բարեկեցության; Ես մտադիր եմ Գերմանիա մեկնել՝ Անվտանգության հարցերով մյունխենյան համաժողովին մասնակցելու եւ անձամբ կայցելեմ նորին սրբությանը Բեռլինում»,- ասել է վարչապետը։