Կորեական Samsung ընկերությունը հաստատել է, որ իր «smart TV» սարքերը լսում են յուրաքանչյուր արտասանած բառը, եւ զգուշացնում է գնորդներին չքննարկել անձնական թեմաները սմարթ հեռուստացույցների առջեւ, հաղորդում է The Week–ը։

Պարզվել է, որ ձայնային որոնման ֆունկցիան արձանագրում է շրջապատի բոլոր խոսակցությունները։ Սմարթ հեռուստացույցերը կարող են տվյաներ, այդ թվում  գաղտնի կամ անձնական բնույթի տեղեկություններ փոխանցել ինչպես Samsung–ի, այնպես էլ կողմնակի ծառայություններին։ 

Samsung–ը խոստովանել է, որ ձայնային որոնման ֆունկցիայի գործարկման ժամանակ ստացված տվյալները հաղորդվում են երրորդ կողմի՝ Nuance Communications, Inc. ընկերության սերվերներին, սակայն հայտարարել է, թե չի պատրաստվում հրաժարվել այս մեխանիզմից։