Գեղարքունիքի մարզում փետրվարի 14-ին տեղի ունեցած խոշոր վթարից մահացած 17-ամյա Ֆիդան Ծովակ գյուղից էր, սովորում էր 12-րդ դասարանում: Այս մասին NEWS.am-ին ասաց Ծովակի գյուղապետ Գարիկ Հակոբյանը:
17-ամյա աղջիկը ծնողների եւ քրոջ ու եղբոր հետ վերադառնում էր Երեւանից, որտեղ գնացել էին ստուգումների:
«Տեսանելիություն չի եղել, Ֆիդայի հայրը փորձել է վազանց կատարել, բայց մյուս մեքենային չի նկատել, այդ մեքենան էլ հարվածել է իրենց մեքենային»,- ասաց գյուղապետը:
Նշենք, որ նախնական տվյալով, 39-ամյա Կարեն Հակոբյանն իր մեքենայով ընտանիքի անդամների հետ վերադառնալիս է եղել Երեւանից, երբ իրենց է բախվել Ford Transit մեքենան (վարորդ՝ 24-ամյա Գոռ Պ.): Վթարի հետեւանքով Կարեն Հակոբյանը, կինը եւ երեխաները տեղափոխվել են Սեւանի բժշկական կենտրոն, որտեղ Կարենի որդին` 17-ամյա Ֆիդան, մահացել է:
