Փետրվաի 4-ին ոստիկանության Վայքի բաժնում տեղեկություններ են ստացվել, որ Վայքի առեւտրի սրահներից մեկից անհայտ անձը հափշտակել է ոսկյա ականջողեր եւ փախել:
Ոստիկանության մամուլի ծառայությունից NEWS.am-ին հայտնում են, որ ոստիկանները պարզել են, որ կասկածյալը նստել է անհայտ մակնիշի մեքենա, որը շարժվել է Երեւանի ուղղությամբ: Արենի գյուղի մոտ ոստիկաններին հաջողվել է կանգնեցնել մեքենան եւ գողությունը կատարելու կասկածանքով ոստիկանության Վայքի բաժին բերման ենթարկել վարորդին ու ուղեւորներին՝ նախկինում տարբեր հանցագործությունների համար պատիժներ կրած Երեւանի բնակիչներ Լեւոն Կ.-ին, Կարապետ Թ.-ին, Արայիկ Ղ.-ին եւ Արթուր Ն.-ին:
Ոստիկանությունում Արթուր Ն.-ն խոստովանել է, որ ինքն է առեւտրի սրահից հափշտակել ոսկյա ականջողներն ու դիմել փախուստի:
