Վաշինգտոնը կանի հնարավոր ամեն բան, որպեսզի Իրանը չտիրապետի միջուկային զենքին։ Այս մասին Մյունխենի անվտանգության համաժողովում իր ելույթի ժամանակ հայտնել է ԱՄՆ փոխնախագահ Մայքլ Փենսը, գրում է TASS-ը։
«Նախագահ Թրամփի անունից ես հայտարարում եմ, որ ԱՄՆ-ը կանի հնարավոր ամեն բան, որպեսզի Իրանը միջուկային զենք չունենա։ Դրանում կարող եմ վստահեցնել մեր բոլոր դաշնակիցներին, հատկապես Իսրայելին»,-ընդգծել է նա։
Փենսը նաեւ հիշեցրել է, որ ամերիկյան վարչակազմի կարծիքով, իրանյան գործարքը կարող է կրկին Թեհրանին մղել ատոմային զենքի ոլորտում մշակումներին։ «Իրանյան գործարքի շնորհիվ Իրանն այժմ միջուկային ոլորտում տարածաշրջանային կայունությունը խախտելու հավելյալ հնարավորություններ ունի»,-ենթադրել է նա։
