Ուրախալի հայացքներ, անհամբերություն աչքերում-այն ամենը ինչ կարելի էր տեսնել մեծահասակների ու մանկահասակների դեմքերին, ովքեր Եղվարդ էին հրավիրվել՝ 360 աստիճան ձեւաչափով նկարահանված ֆիլմերի առաջին ցուցադրությանը։
Կինոթատրոնը տեղադրվել էր Եղվարդի սպորդպրոցի սրահի կենտրոնում։ Ծիծաղելի եւ ուսուցողական անիմացիաներն ու կերպաները երեխաներին մատչելիորեն են բացատրել աստղագիտության հիմունքները։ Ճիշտ է, վերջում ասացին, որ արեգակը կկլանի բոլոր մոլորակները եւ աստիճանաբար կմարի։ Սակայն հետո հուսադրեցին՝ չէ՞ որ դա կլինի 4-5 մլրդ տարի անց։
Startup Armenia հիմնադրամի հիմնադիր Տիգրան Պետրոսյանը ընդգծել է նման միջոցառումների անցկացման կարեւորությունը համայնքներում եւ շրջաններում, քանի որ նման կերպ երիտասարդությունն ու դպրոցականները տեղեկություններ են ստանում նորագույն տեխնոլոգիաների վերաբերյալ։
«Դա ուղղակի ֆիլմերի ցուցադրություն չէ, այլ ուսուցողական ծրագրի մաս։ Տեսածի շնորհիվ աշակերտները լավ պատկերացում կկազմեն այնպիսի առարկաների մասին, ինչպիսիք աստղագիտությունն ու կենսաբանությունն են»,-ասել է նա NEWS.am-ի հետ զրույցում։
Ֆիզիկայի եւ աստղագիտության ուսուցչուհի Համեստ Մելիքյանը նշել է, որ գաղափարը շատ լավն է, քանի որ հնարավորություն կա առարկայնորեն տեսնելու այն, ինչ գրված է դասագրքերում։