Արմավիրի մարզի Արտաշար համայնքի միջնակարգ դպրոցից այսօր` փետրվարի 20-ին, թունավորման ախտանիշներով Մեծամորի բժշկական կենտրոն տեղափոխված դպրոցականների վիճակը բավարար է:
NEWS.am-ին հիվանդանոցի տնօրեն Միքայել Վանյանը հայտնեց, որ իրենց մոտ տեղափոխվել է 8 աշակերտ:
«Աշակերտներից 3-ը բուժօգնության կարիք չեն ունեցել եւ գնացել են տուն, մյուսներն էլ համապատասխան բուժօգնություն են ստացել, այս պահին մեր հսկողության տակ են, մոտ 1 ժամից նրանք էլ դուրս կգրվեն»,- ասաց նա:
Նշենք, որ թունավորված երեխաները 9-րդ դասարանի աշակերտներ են: Նախնական տվյալով, նրանք թունավորվել են շմոլ գազից: Դպրոցը ջեռուցվում է գազի վառարաններով եւ ամենայն հավանականությամբ, ծխնելույզի հետ կապված խնդիր է եղել: