Թալիշ գյուղի վերականգնման աշխատանքներ են իրականացվում։ Այս մասին, այսօր՝ փետրվարի 20-ին, Ստեփանակերտում լրագրողների հետ հանդիպման ժամանակ ասել է ԼՂՀ նախագահ Բակո Սահակյանը։
Նախատեսվում է, որ այդ աշխատանքների շրջանում Թալիշի բնակչությունը կմեծանա, եւ այն ավելի շատ բնակիչ կունենա, քան մինչ ապրիլյան իրադարձությունները, նշել է Բակո Սահակյանը։
Հիշեցնենք, որ 2016-ի ապրիլին Թալիշ գյուղը դարձավ ադրբեջանական ագրեսիայի թիրախներից մեկը։ Գյուղի բնակիչները ստիպված էին լքել իրենց տները։ Երեք տարեց բնակիչներ ադրբեջանցի բարբարոսների զոհն են դարձել։
