Մոտ տասնյակ խաղաղ բնակիչ է զոհվել, եւս չորսը վիրավորվել Աֆղանստանի Լագման նահանգում նռնակի կիրառմամբ հարձակման հետեւանքով, հայտնում է «Սինհուան»՝ վկայակոչելով նահանգի աշխատակազմը։

Մեկ ընտանիքի տասը անդամ է զոհվել, եւս չորս էլ վիրավորվել, երբ անհայտ անձինք երկու ձեռքի նռնակ են նետել նրանց տան վրա։

Զոհվել են նաեւ մի քանի կին ու երեխա։ Վիրավորներին հիվանդանոց են տեղափոխել։ Հարձակման դրդապատճառները պարզ չեն, ոչ ոք կատարվածի համար պատասխանատվություն չի ստանձնել։