Շիրակի մարզում 42-ամյա տղամարդը կալանավորվել է զոքանչի տնից գողություն կատարելու մեղադրանքով:

Ըստ մեղադրական եզրակացության` Արսենը դեկտեմբերին, օգտվելով այն հանգամանքից, որ զոքանչը հյուրընկալվել է իրենց տանը, վերցրել է նրա տան բանալին, գնացել այնտեղ ու ապօրինի մուտք գործելով բնակարան` գողացել 200 հազար դրամ արժողության ոսկյա մատանիներ:

42-ամյա Արսենին մեղադրանք է առաջադրվել Քրեական օրենսգրքի 177-րդ հոդվածի 3-րդ մասի 1,1 կետով: Գործով նախաքննությունն ավարտվել է եւ գործն ուղարկվել դատարան: