Նոր սպառնալիքների ու բունդեսվերի առաջադրանքների թվի աճի պատճառով Գերմանիայի ՊՆ-ն մտադիր է ավելացնել զինված ուժերի զինծառայողների ու քաղաքացիական աշխատակիցների քանակը։Մինչեւ 2024-ի վերջ Գերմանիայի բանակի թվաքանակը կաճի 20 հազարով՝ մինչեւ 198 հազար զինվոր ու սպա, հայտնում է DW–ն։ Քաղաքացիական անձանց աշխատատեղերը ԶՈՒ-ում կաճեն մինչեւ 61 400։
Պաշտպանության նախարար Ուրսուլա Ֆոն դեր Լյայենի խոսքով զինված ուժերի գլխավոր խնդիրներից են ԻՊ դեմ պայքարը, առաքելությունները Մալիում ու Աֆղանստանում, նաեւ մասնակցությունը Բալթյան երկրներում ՆԱՏՕ-ի առաքելություններին։
Սառը պատերազմի ավարտից հետո Գերմանիայի բանակը դարձել էր պրոֆեսիոնալ ու զգալիորեն կրճատվել։ Եթե 1990-ին Բունդեսվերում ծառայում էին 585 000 զինվոր ու սպա, ապա հիմա մոտ 168 հազար պրոֆեսիոնալ զինվորական կա, նաեւ 10 հազար զինվոր, որոնք կամավոր են ծառայության անցել։