Ընտրություններից հետո արդեն պարզ կդառնա՝ ինչպիսին է քաղաքական ուժերի ընտրազանգվածը եւ ինչ կերպ են նրանք կարողացել շահել հասարակության վստահությունը։ Այս մասին փետրվարի 22-ին մամուլի ասուլիսի ժամանակ հայտարարել է ՀՀԿ կուսակցության անդամ, Ազգային ժողովի պատգամավոր Սուքիաս Ավետիսյանը՝պատասխանելով NEWS.am-ի թղթակցի այն հարցին, թե արդյո՞ք նա տեսնում է հավանականությունն այն բանի, որ «Ծառուկյան» բլոկը մրցակցային պայմաններում կարող է շրջանցել ՀՀԿ-ին ընտրություններում՝ ինչպես կարծում են վերոնշյալ դաշինքի ներկայացուցիչները
Նրա խոսքով՝ այս ընթացքում բոլոր պայմանները ստեղծվել են, որ ցանկացած քաղաքական գործիչ, ցանկացած քաղաքական ուժ կարողանա մասնակցել առաջիկա ընտրություններին։ «Այսինքն՝ այդ պայմանները ստեղծվել են այն բանի համար, որ վաղը ոչ մի քաղաքական ուժ չասի, թե իրենց թույլ չեն տվել ընտրություններին մասնակցել։ Ընտրություններից հետո արդեն պարզ կդառնա՝ քաղաքական ուժերն ինչպիսի ընտրազանգված ունեն եւ ինչ կերպ են նրանք կարողացել շահել հասարակության վստահությունը», - նշել է Ավետիսյանը։