Apple-ից հայտնել են, որ շտկել են սխալը iOS 10.2.1. բջջային օպերացիոն համակարգում։ Մինչ այդ ծրագրային սխալի պատճառով iPhone հեռախոսները կարող էին անսպասելիորեն անջատվել։ Մեծամասամբ դժգոհում էին iPhone 6 եւ 6S մոդելների օգտատերերը, հայտնում է Oane–ը։

Ծրագրի կայուն աշխատանքը պետք է ապահովի iOS 10.2.1–ի համար թողարկված նոր թարմացումը։ Մինչ այդ փորձագետները կարծիք էին հայտնել, որ թերության պատճառը մարտկոցների խոտանն է։ Բայց Apple-ից պարզաբանել են, որ խնդիրը օպերացիոն համակարգի մեջ էր, ինչը թույլ է տվել շտկել թերությունը ծրագրային մակարդակով, առանց բուն սարքերը փոխելու։

Նոր ծրագրային թարմացման ներբեռնման արդյունքում 2015-ի արտադրության iPhone 6 եւ iPhone 6S  սմարթֆոնները այլեւ ս անսպասելիորեն չեն անջատվի։ Ընդ որում որոշ օգտատերեր արդեն հասցրել են հայտնել iOS 10.2.1–ի թարմացման հետ կապված նոր խնդիրների մասին։Նման դեպքում կարող են օգնել միայն Apple կորպորացիայի պաշտոնական սպասարկման կենտրոնների մասնագետները։ Ինժեներները շեշտել են, որ եթե շտկումը չօգնի ամբողջովին ազատվել խնդրից, ապա գոնե նվազագույնի կհասցնի սարքի անջատման դեպքերը։