Աֆղանստանի հյուսիսային Ջուզջան նահանգի ոստիկանները փետրվարի 25-ին թալիբների կողմից հարձակման են ենթարկվել: Արդյունքում առնվազն 10 մարդ է զոհվել, 7-ը՝ վիրավորվել:
Ըստ Սինհուայի՝ հարձակումն իրականացվել է նահանգի Դարզաբ շրջանում: Հարձակումից հետո ոստիկանների եւ զինյալների միջեւ փոխհրաձգություն է սկսվել:
Տեղական լրատվամիջոցների հաղորդմամբ՝ հարձակվողները, հնարավոր է, այդ տարածաշրջանում «Իսլամական պետություն» խմբավորման զինված կազմավորումներն են: