Սինայի հյուսիսում ծայրահեղականների հարձակումների պատճառով 38 քրիստոնյա ընտանիքի են տարհանել: Այս մասին գրում է ՌԻԱ Նովոստին՝ վկայակոչելով եգիպտական «Ալ Յաում աս-Սաիբա» պարբերականը:
Ընտանիքներին բնակեցրել են հարեւան Իսմաիլիա նահանգում: Հարկադիր տեղահանվածներն օգնություն են ստանում պետությունից եւ եկեղեցուց, նաեւ հաշվեհամար է բացվել՝ նվիրատվությունների համար:
Ավելի վաղ եգիպտական լրատվամիջոցները հաղորդել էին Սինայի հյուսիսում ծայրահեղականների կողմից քրիստոնյաների վրա մի քանի հարձակման մասին: Հարձակումների արդյունքում քրիստոնյա համայնքի առնվազն յոթ ներկայացուցիչ է զոհվել: