Ամերիկահայերը Նյու Յորքում եւ Վաշինգտոնում բողոքի ցույցեր են անցկացրել Լեռնային Ղարաբաղում եւ Հայաստանում Բաքվի ագրեսիայի դեմ:
Դժգոհության ալիք է բարձրացել ապրիլյան պատերազմի ժամանակ լայնածաված հարձակումների հետ կապված, որը մի քանի հարյուր կյանք է խլել: Այս մասին հաղորդում է Արեւելյան Ամերիկայի Հայ դատի հանձնախումբը (ANCA):
ANCA-ի ներկայացուցիչ Օդրի Մարդոյանը նշել է, որ այս հանգստյան օրերին նախագահ Ալիեւի նախաձեռնած հարձակումները 1988-1990 թվականներին Սումգայիթի, Կիրովաբադի եւ Բաքվի ջարդերի եւ 25 տարվա ընթացքում հրադադարի խախտումների շարունակությունն են:
Նրա խոսքով՝ քանի որ ԱՄՆ-ն եւ միջազգային հանրությունը հրաժարվում են ակնհայտորեն եւ միանշանակ դատապարտել Ալիեւի ագրեսիան ու հստակ միջոցնել ձեռնարկել՝ բռնությունը դադարեցնելու համար, «մենք նախկինի պես անմեղ զոհերի ականատես կլինենք»:
Հանձնախմբի հայտարարության մեջ նշվում է, որ Վաշինգտոնում ակցիայի ժամանակ ցուցարարների կողքով անցել է ԱՄՆ փոխնախագահ Մայք Փենսի ավտոշարասյունը: