Google-ի կողմից ավտոմատ կառավարման համակարգերի վրա աշխատելու համար ստեղծված Waymo ընկերությունը Uber եւ Otto ընկերություններին դատի է տվել: Հայցում նշված է, որ նրանք Google-ից գողացած տեղեկություններն օգտագործում են ավտոպիլոտի սեփական համակարգեր ստեղծելու համար, փոխանցում է Motor-ը:
Waymo-ի հայտարարության մեջ նշված է, որ իր նախկին առաջատար ինժեներ Էնթոնի Լեւանդովսկին, որը հետագայում հիմնել է Otto-ն (ավելի ուշ այն գնել է Uber ընկերությունը), ծառայողական նոթբուքի օգնությամբ մոտ 10 գիգաբայթ ծավալով խիստ գաղտնի ֆայլեր է ներբեռնել:
Լեւանդովսկին իբր 14 հազար փաստաթղթեր, այդ թվում՝ գծագրեր, տեխնիկական տարբեր տեղեկություններ եւ թեստերի արդյունքներ պատճենել է այլ կրիչի վրա, ապա անցկացրել աշխատանքային համակարգչի մեջ: Հայցում նշվում է Google-ից Uber կամ Otto տեղափոխված այլ աշխատակիցների հետ պատահած համանման դեպքերի մասին եւս:
Waymo-ից նշել են, որ Լեւանդովսկու գողության մասին հայտնի է դարձել իր իսկ սխալի շնորհիվ՝ նա պատահաբար ուղարկել է այն նամակի պատճենը, որը Google-ում նախատեսված է եղել Uber-ի համար:
