Ֆիլիպինյան «Աբու Սայյաֆ» խմբավորման ահաբեկիչները գլխատել են 70-ամյա գերմանացի պատանդ Յուրգեն Քանթներին: Reuters-ը հայտնում է, որ հոլովակում մաչետեով ահաբեկիչը Յուրգենին գլխատում է այն պատճառով, որ 600 հազար դոլար փրկագնի վճարման ժամկետը լրացել էր:
Ֆիլիպինների նախագահի խորհրդական Խեսուս Դուրեզան հայտարարել է, որ երկրի իշխանությունները բոլոր ջանքերը ներդրել են գերմանացուն փրկելու համար: Իսկ ՆԳ նախարարը հայտարարել է, որ պատանդը սպանվել է առաջին հերթին այն պատճառով, որ հիվանդ էր:
Գերմանիայի ԱԳՆ-ն չի հաստատել Ֆիլիպիններում Գերմանիայի քաղաքացու մահապատժի հոլովակի ստույգ լինելը: Այս մասին Բեռլինում ճեպազրույցի ժամանակ հայտարարել է Գերմանիայի ԱԳՆ պաշտոնական ներկայացուցիչը՝ հավելելով, որ հոլովակը դեռ չի դիտել, սակայն նման հաղորդագրության հայտնվելու փաստ «ցնցող է եւ սարսափելի»: Նրա խոսքով՝ «ներկայումս կառավարական համապատասխան ծառայությունները տեղեկությունը ստուգում են»: